Snapchat ne Bharat ko bataya ‘gareeb’, twitter par bhadake log

Photo sharing mobile seva aur multimedia mobile app snapchat ke CEO Evan Spiegel ne bhaarat ko ek garib desh bataaya hai.

Evan Spiegel ka kahana hai ki vo bhaarat ko apne kaarobaar ke liye bada baazaar nahi mante hain, isliye vo bhaarat ya Spain jaise garib desho mein apne kaarobaar ko badhaane ke baare mein nahi sochate hain.

Report ki maane to bhaarat mein snapchat ke karib 40 lakh se jyaada users hain.

Ye baat tab saamane aayi jab Anthony Ppliana naam ke employee ne LA District Court mein snapchat ke khilaaph mukadama daayar kiya.

Anthony ka kahana hai ki Spiegel ne 2015 mein snapchat ki growth badha chadha kar pesh ki thi.

Anthony ne aarop lagaaya hai ki 2015 mein snapchat ka IPO aane se pahale company ki growth ke baare mein kai galat information di gayi thi.

IPO ke lekar hui baithak mein hi Spiegel ne bhaarat aur spain ko garib desh bataaya tha.

Darasal us baithak mein Anthony ne jab bhaarat mein internet ki tez pahunch par bhi app ki slow growth par sawal kiya to Evan ne unhen rokate hue kaha ki yah app sirf amir logon ke liye hai, bhaarat jaise garib desh ke liye nahi.

Baad mein Anthony ko dissatisfied employee kah kar company se nikal diya gaya.

Bhaarat ko lekar aise bayaan ke baad Virat Kohli, Ravindra Jadeja aur Saath kai users ne khaasi naarazagi jaahir ki.

Add a Comment

Your email address will not be published. Required fields are marked *