Bharat ne Shikhaya Plastic Surgery puri Duniya ko





Plastic surgery jo aaj ki surgery ki duniya me aadhunikatam vidya hai iska avishkaar bhaarat mein hua tha . Surgery ka avishkaar to hua hi hai plastic surgery ka avishkaar bhi yahaan hi hua hai. Plastic surgery me kahi ki tvacha ko kaat ke kahi laga dena aur usko is tarah se laga dena ki pata hi na chale, yah vidya sabse pahale duniya ko bhaarat ne di hai.

1780 me dakshin bhaarat ke Karnataka raajy ke ek bade bhoo bhaag ka raja tha jiska naam Haider Ali tha . 1780-84 ke bich me angrejo ne Haider Ali ke upar kai baar hamale kiye aur ek hamale ka jikr ek angrej ki diary me se mila hai. Ek angrej ka naam tha Cornell Koot usne Haider Ali par hamala kiya par yuddh me angrej paraast ho gaye aur Haider Ali ne Cornell Koot ki naak kaat di.

Cornell Koot apni diary me likhta hai ke “main paraajit ho gaya, sainiko ne mujhe bandi bana liya, phir mujhe Haider Ali ke paas le gaye aur unhonne mera naak kaat diya.” Phir Cornell Koot likhta hai ke “mujhe ghoda de diya bhaagane ke liye naak kaat ke haath me de diya aur kaha ke bhaag jao to main ghode pe baith ke bhaaga. Bhaagte bhaagte main belgao me aa gaya, belgao me ek vaidya ne mujhe dekha aur poochha meri naak kahaan kat gayi? To main jhoot bola ke kisi ne patthar maar diya, to vaidy ne bola ke yah patthar maari hui naak nahi hai yah talavaar se kaati hui naak hai, main vaidy hoon main jaanata hoon. To mainne vaidy se sach bola ke meri naak kaati gayi hai. Vaidy ne poochha kisane kaati? Mainne bola tumhaari raja ne kaati. Vaidy ne poochha kyon kaati to mainne bola ke unpar hamala kiya isliye kaati.phir vaidy bola ke tum yah kaati hui naak leke kya karoge? England jaoge? To mainne bola ichchha to nahi hai phir bhi jaana hi padega.”




Yah sab sunake vo dayaalu vaidy kahata hai ke main tumhaari naak jod sakata hoon, Cornell Koot ko pahale visvaas nahi hua, phir bola thek hai jod do to vaidy bola tum mere ghar chalo. Phir vaidy ne Cornell ko le gaya aur uska operation kiya aur is operation ka 30 page me varnan hai. Operation saphalata poorvak sampann ho gaya naak uski jud gayi, vaidy ji ne usko ek lep de diya banaake aur kaha ki yah lep le jao aur roj subah shaam lagaate rahana. Vo lep leke chala gaya aur 15-17 din ke baad bilkul naak uski jud gayi aur vo jahaaj me baith kar England chala gaya.

Phir 3 mahine baad british parliament me khada ho Cornell Koot bhaashan de raha hai aur sabse pahala savaal poochhata hai sabse ke apko lagata hai ke meri naak kati hui hai? To sab angrej hairaan hok kahate hai are nahi nahi tumhaari naak to kati hui bilkul nahi dikhati. Phir vo kahaani suna raha hai british parliment me ke mainne Haider Ali pe hamala kiya tha main usme haar gaya usne meri naak kaati phir bhaarat ke ek vaidy ne meri naak jodi aur bhaarat ki vaidyon ke paas itni badi hunar hai itna bada gyaan hai ki vo kaati hui naak ko jod sakte hai.

Phir us vaidy ji ki khonj khabar british parliament me li gayi, phir angrejo ka ek dal aaya aur belgao ki us vaidy ko mila, to us vaidy ne angrejo ko bataaya ke yah kaam to bhaarat ke lagabhag har gao me hota hai; main ekala nahin hoon aisa karane wale hajaaro laakhon log hai. To angrejon ko hairaani hui ke kon sikhaata hai apko ? To vaidy ji kahane lage ke hamaare iske gurukul chalate hai aur gurukulon me sikhaaya jaata hai.

Phir angrejo ne us gurukulon me gaye uhaan unhonne admission liya, vidyaarthi ke roop me bhaarati hue aur sikha, phir sikhane ke baad England me jaake unhonne plastic surgery shuroo ki. Aur jin jin angrejon ne bhaarat se plastic surgery sikhi hai unki diaries hain. Ek angrej apni diary me likhta hai ke ‘jab mainne pehli baar plastic surgery sikhi, jis guru se sikhi vo bhaarat ka vishesh aadami tha aur vo nai tha jaati ka. Mane jaati ka nai, jaati ka charmakaar ya koi aur hamaare yahaan gyaan aur hunar ke bade pandit the. Nai hai, charmakaar hai is aadhaar par kisi gurukul me unka pravesh varjit nahi tha, jaati ke aadhaar par hamaare gurukulon me pravesh nahi hua hai, aur jaati ke aadhaar par hamaare yahaan shiksha ki bhi vyavastha nahi tha. Varn vyavastha ke aadhaar par hamaare yahaan sabakuchh chalata raha. To nai bhi sergeon hai charmakaar bhi sergeon hai. Aur vo angrej likhta hai ke charmakaar jaada achcha surgeon isliye ho sakta hai ki usko chamada silna sabse achchhe tarike se aata hai.

Ek angrej likh raha hai ke ‘mainne jis guru se surgery sikhi vo jaat ka nai tha aur sikhaane ke baad unhonne mujhase ek operation karavaaya aur us operation ki varnan hai. 1792 ki baat hai ek maraatha sainik ki donon haat yuddh me kat gaye hai aur vo us vaidy guru ke paas kate hue haat leke aaya hai jodane ke liye. To guru ne vo operation us angrej se karavaaya jo sikh raha tha, aur vo operation us angrej ne guru ke saath milake bahut saphalata ke saath poora kiya. Aur vo angrej jiska naam Dr Thomas Kruso tha apni diary me kah raha hai ke “mainne mere jivan me itna bada gyaan kisi guru se sikha aur is guru ne mujhse ek paisa nahi liya yah main bilkul achambha maanata hoon aashchary maanata hoon.” Aur Thomas kruso yah sikh ke gaya hai aur phir usne plastic surgery  ka school khola, aur us school me phir angrej sikhe hai, aur duniya me phailaaya hai. Durbhaagy is baat ka hai ke saari duniya me plastic serjeri ka us school ka to varnan hai lekin in vaidyo ka varnan abhi tak nahi aaya vishv granth me jinhonne angrejo ko plastic surgery sikhai thi.




Add a Comment

Your email address will not be published. Required fields are marked *