Coffee With D Review, Nahi Kar Paye Audience Ko Impress Doctor Mashoor Gulati




Tv par Sunil Grover ki majedaar performance dekhne waalo ko is film se bahut ummid ho sakati hai. Film ka trailer kaafi entertaining tha. Lekin 2 ghante ke liye ise bade parde par dekhana utana majedaar nahin hai. Agar performance wise baat kare to don ke role mein Zakir Hussain ki performance kaafi shaanadaar rahi. Sunil Grover film mein ek journalist ke role mein hain. Aap kah sakte hain ki woh parde par Arnab Goswami ko utaarane ki koshish kar rahe the. Film mein unka naam Arnab Ghosh hai. Sunil ki patni ka role film mein Anjana Sukhani ne kiya hai. Film mein unhe pregnent dikhaaya hai. Sunil ek aise reporter hain jinhe crime petrol dekhane ki lat hai.

Film ki kahaani mumbai ke ek news anchor Arnab Ghosh (Sunil Grover) ke aas-pass ghoomati hai. Wah ek news channel mein prime time show ko host karta hai. Lekin lagaataar girati TRP ke chalate usse ek ultimatum diya jaata hai. Usake boss Roy (Rajesh Sharma) usse 2 mahine ka samay dete hain ki wah kuchh bhi karke show ki TRP badhai nahi to usse non prime time show par shift kar diya jayega. Isi pareshaani mein Arnab ki patni usse ek idea deti hai. Wah kehati hai ki agar Arnab Don D ka interview kar le to uska show hit ho sakta hai. Arnab ye idea apane boss ko bataata hai aur wo haan keh deta hai. Ab kahaani mein kai twist aur turns aate hain. Kai mushkilon ka samana karte hue aakhirakaar Arnab apni team ke saath Don ka intervyiew karne pahunch jaata hai.

Ab film ki kamajor kadi ki baat karen to wah iska screen play hai. Script writer ek tight screen play likhne mein naakaam rahe hain. Is wajah se filmaijeshan mein wah baat nikal kar nahi aayi hai. Jo is film ko khaas bana sakti thi. Film mein kai jagah censor board ki kainchi bhi chali hai. Saath hi kai jagah dabbing sahi nahi lag rahi hai. Is wajah film darshakon ka dhyaan bhatakaati hai. Film ke kam budget ka asar uski production value par dikh raha hai. Achchhe kalaakaaron ka combo hone ke baavajood film impress karne mein naakaam hai.




Leave a Reply