X
    Categories: How toTechnology

Apne Electronic Device Ki Battery Life Kese Badaye





Namaskar dosto, aaj humdekhenge ki kese aap apne mobile ki battery life bada sakte hai. Aaj ki taarikh mein jyaadaatar smartphone high-resolution wale bade display, powerful processor aur jyaada memory ke saath aate hain. Inka makasad multi-tasking aur mushkil kaam ko bhi aasaani se poora karane ka hota hai. Haalaanki, iska matalab yah bhi hai ki aise mein phone ki battery ko poore din chalane mein pareshani hogi aur is kaaran se power bank majaboori ban gaye hain.

Aisa hi laptop ke baare mein bhi kaha ja sakata hai. Jaise-jaise iski battery puraani hoti jaati hai, baar-baar power plug istemaal karane ki jaroorat bhi badhati jayegi. Hamaare dwaara istemaal kiye jaane wale jyaadaatar electronics device lithium ion aur lithium polly battery ke saath aate hain. Ye quick charge feature se to lais hote hain lekin jaroori nahin hai ki aapako lambi battery life mile. Battery ki umr ko dhyaan mein rakhate hue laptop ko upgrade karane se behatar battery badalana hota hai.

Chaahe aap smartphone, tablet ya phir laptop istemaal karate hon. Ye tips aapke device ki battery life badhaane mein madad karenge.

Focus on Temperature

Battery ko unche taapamaan mein istemaal karana, iaki cycling se bhi jyaada pareshaan karane wala ho sakata hai. Jyaada taapamaan aur badhati umr dhire-dhire battery ki performance ko kam kar dete hain. Kam taapamaan  mein device ka istemaal karane se usaki life cycle behatar hogi.

Smartphone ke jyaada garm hone ki samasya se pareshaan hona wajib hai, kyonki bitate samay ke saath battery life bahut jyaada kamazor ho jaati hai. Laptop mein is baat ka dhyaan rakhen ki aap cooling pad ka istemaal kar rahe hain, taaki CPU vent se garm hava aasaani se nikal jaye. Dhool ke kaaran aksar laptop ka vent band hone lagata hai jis kaaran se usmen bane pankhon ko jyaada kaam karana padata tha, dhire-dhire yah bhi aapke liye kharch badhaane ka kaam karata hai. Isaliye saphai rakhen, khaasakar dhool ko zaroor hataen.